Í þessum fyrsta þætti ársins bjóðum við velkomna Önnu Signýju Guðbjörnsdóttur. Anna Signý starfar sem sérfræðingur í notendarannsóknum og þjónustuhönnun (Senior UX Researcher & Service Designer) hjá hönnunar- og hugbúnaðarfyrirtækinu Kolibri. Hún menntaði sig í Danmörku og er með BS próf í vefþróun frá Copenhagen Business Academy og master í Digital design & Communication frá IT-Universitet í Kaupmannahöfn. Anna Signý starfaði hjá Siteimprove í Danmörku með námi en réði sig til TM Software (Origo) sem viðmótssérfræðingur og vefráðgjafi þegar hún flutti aftur til Íslands árið 2013. Hún starfaði hjá Origo í 5 ár en réði sig til Kolibri árið 2018. Meðfram starfi sínu hefur hún sinnt kennslu bæði í Háskóla Íslands og í Vefskólanum. Anna Signý hefur að auki setið í stjórn og verið formaður SVEF og verið mentor hjá bæði Reboot Hack Iceland og hjá KLAK. Í þættinum ræða Hildur og Anna Signý meðal annars: Hvað varð til þess að hún menntaði sig í Danmörku og námsleiðirnar sem hún valdi Hvernig sálfræðin og mannlegi þátturinn í upplýsingatækni varð til þess að hún lagði fyrir sig notendarannsóknir og þjónustuhönnun Hvað það er gefandi að vera mentor og bjóða sig fram til félagsstarfa Hvort að opið launakerfi Kolibri sé mikilvægur þáttur í því að stjórnendum tókst að jafna kynjahlutfallið í fyrirtækinu í fyrra Hvernig eigi að laða konur að karllægum fyrirtækjum Um discovery vinnu og vöruþróunarteymi og hvað það er gaman að vera alltaf að læra eitthvað nýtt með hverjum viðskiptavini við að skapa framúrskarandi notendaupplifun Hvernig lestur hjálpar henni að róa hugann fyrir svefninn ásamt því að hafa minnisbók til taks þegar góðar hugmyndir vakna Í þættinum minnist Anna Signý á nokkra vefi og bækur: Medium Don‘t make me think – Steve Krug Escaping the Build Trap - Melissa Perri Inspired og Empowered - Marty Cagan Creativity, Inc. -  Ed Catmull og Amy Wallace I‘m Glad My Mom Died – Jennette McCurdy  Sense and Respond og Lean UX – Jeff Gothelf og Josh Seiden Erindi frá ráðstefnunni "Mind the Product" á YouTube "Getting things done" aðferðin Þátturinn er í boði Geko, Taktikal og Tern Systems