'ਇਮਤਿਆਜ਼ ਅਲੀ', 'ਕਬੀਰ ਖਾਨ', 'ਰੀਮਾ ਦਾਸ' ਅਤੇ 'ਓਨੀਰ', ਇਹ ਭਾਰਤੀ ਸਿਨੇਮਾ ਦੇ ਕੁੱਝ ਉਹ ਵੱਡੇ ਨਾਮ ਹਨ ਜਿੰਨਾਂ ਨੇ ਦੁਨੀਆ ਨੂੰ ਬੇਹਤਰੀਨ ਫਿਲਮਾਂ ਦਿੱਤੀਆਂ ਹਨ। ਇਹਨਾਂ ਦਿੱਗਜ ਡਾਇਰੈਕਟਰਸ ਦੇ ਮਾਰਗਦਰਸ਼ਨ ਹੇਠ ਆਸਟ੍ਰੇਲੀਆ ਦੇ ਮੈਲਬਰਨ ਸ਼ਹਿਰ ਵਿੱਚ 'ਮਾਈ ਮੈਲਬਰਨ' ਫਿਲਮ ਬਣ ਕੇ ਤਿਆਰ ਹੋ ਚੁੱਕੀ ਹੈ। ਇਸ ਫਿਲਮ ਵਿੱਚ 4 ਅਲੱਗ-ਅਲੱਗ ਕਹਾਣੀਆਂ ਹਨ ਅਤੇ ਇਹਨਾਂ ਵਿੱਚੋਂ ਹੀ ਇੱਕ ਕਹਾਣੀ 'ਸਿਤਾਰਾ' ਦਾ ਸਹਿ-ਨਿਰਦੇਸ਼ਨ ਮੈਲਬਰਨ ਦੇ ਪੰਜਾਬੀ ਮੂਲ ਦੇ ਕਲਾਕਾਰ ਪੁਨੀਤ ਗੁਲਾਟੀ ਨੇ ਕੀਤਾ ਹੈ। ਇਸ ਤੋਂ ਇਲਾਵਾ ਫਿਲਮ ਦੀਆਂ ਬਾਕੀ ਤਿੰਨ ਹੋਰ ਕਹਾਣੀਆਂ ਵਿੱਚ ਵੀ ਹੋਰ ਅਲੱਗ-ਅਲੱਗ ਵਿਸ਼ਿਆਂ ਨੂੰ ਛੋਹਿਆ ਗਿਆ ਹੈ। ਇਸ ਫਿਲਮ ਬਾਰੇ ਜ਼ਿਆਦਾ ਜਾਨਣ ਅਤੇ ਪੁਨੀਤ ਗੁਲਾਟੀ ਦੇ ਇਸ ਫਿਲਮੀ ਸਫਰ ਬਾਰੇ ਜਾਨਣ ਲਈ ਸੁਣੋ ਇਹ ਇੰਟਰਵਿਊ...