ചാമ്പ്യൻസ് ലീഗ് ഫൈനലിലേക്ക് ബാഴ്സ എത്തിയില്ല. എന്നാലും ഫുട്ബോളിൽ മികച്ച കളികളിലൊന്നായിരുന്നു ഇൻ്റർ മിലാനോട് ബാഴ്സലോണ തോറ്റ കളി. നാളത്തെ മെസ്സി, നാളെയുടെ റൊണാൾഡോ എന്നൊക്കെ വിശേഷിപ്പിക്കപ്പെടുന്ന ലാമീൻ യമാൽ, തോറ്റ കളിയിലും 14 ഉജ്വല ഡ്രിബ്ളുകളിലൂടെ വലിയൊരു താരം ഉദിച്ചുയരുന്നതിൻ്റെ വലിയ സൂചനകൾ വീണ്ടും കാണിച്ചു. യമാലിനെപ്പറ്റി മിലാൻ്റെ ഡിഫൻഡർ അലെസാൺഡ്രോ ബസ്‌സ്റ്റോണി പറഞ്ഞു: ഇതു വരെ ഞാൻ എതിരെ കളിച്ച ബെസ്റ്റ് പ്ലെയർ. മിലാനും പി എസ് ജിയും ഫൈനലിലെത്തുമ്പോൾ രണ്ടു ഗോൾകീപ്പർമാർ തലയുയർത്തി നിൽക്കുന്നു. പി എസ് ജിയുടെ ഡോണറുമയും ഇൻ്റർ മിലാൻ്റെ യാൻ സോമറും. രണ്ടാം പാദത്തിലെ സെമി ഫൈനലുകളിൽ ആർക്കും മറക്കാൻ കഴിയാത്ത 12 സേവുകൾ ഉണ്ട്. ഇതിൽ അഞ്ച് ഡോണറുമയുടെതും ഏഴ് സോമറിൻ്റേതുമാണ്. മെയ് 31ന് മൂണിക്കിൽ നടക്കുന്ന ഫൈനലിലേക്ക് പി എസ് ജിയെയും മിലാനെയും എത്തിച്ച സെമി ഫൈനലുകൾ വിശകലനം ചെയ്തുകൊണ്ട് കമൽറാം സജീവിനോട് സംസാരിക്കുകയാണ് പ്രശസ്ത അന്താരാഷ്ട്ര ഫുട്ബോൾ ലേഖകനായ ദിലീപ് പ്രേമചന്ദ്രൻ.

നിരന്തരമായ സ്വയം സ്തന പരിശോധനയും സ്ക്രീനിംഗ് ടെസ്റ്റുകളും വഴി Breast Cancer നേരത്തെ കണ്ടുപിടിക്കാം..നേരത്തെ കണ്ടുപിടിച്ചാൽ എളുപ്പം ചികിൽസിക്കാൻ കഴിയുന്ന ഈ രോഗത്തിന്റെ നൂതന ചികിത്സരീതികളും സ്ക്രീനിങ് ടെസ്റ്റുകളെയും കുറിച്ച് വിശദമായി സംസാരിക്കുന്നു ഡോ. കെ.വി ഗംഗാധരൻ

നിങ്ങളുടെ വീടിനടുത്തുള്ളൊരു സ്ത്രീയ്ക്ക് ബാറിൽ പോയി ഡാൻസ് കളിച്ചും അല്ലെങ്കിൽ ലൈംഗികത്തൊഴിലിൽ ഏർപ്പെട്ട് വീട്ടിലേക്ക് തിരിച്ചുവന്ന് സമാധാനമായും ഉറങ്ങാൻ പറ്റുന്നൊരവസ്ഥയുണ്ടെങ്കിൽ അവിടെയാണ് സാംസ്‌ക്കാരികമായി നമ്മൾ ഇത്തിരിയെങ്കിലും മുന്നോട്ടുപോയി എന്നുപറയാൻ സാധിക്കുന്നത്.

ഏതു വസ്ത്രം തിരഞ്ഞെടുക്കുമ്പോഴും അതെന്റെ ദേഹത്തോടെങ്ങനെ എന്നല്ലാതെ കാലത്തിന്റെ പോക്കിനോടെങ്ങനെ എന്നുഞാൻ ചിന്തിക്കാറില്ല. വസ്ത്രത്തിനുള്ളിൽ ശരീരം ആയാസപ്പെടരുത്. അതാണെനിക്കു ഫാഷൻ.

"പാർവതിയെ പോലുള്ളവർ അന്ന് അങ്ങനെ പ്രതികരിച്ചത് കൊണ്ട് നടിമാർക്ക് മാത്രമല്ല എന്നെ പ്പോലുള്ള നടന്മാർക്കും ഗുണകരമായി "എന്ന് അജു വർഗ്ഗീസ്മലർവാടി ആർട്സ് ക്ലബ്ബ് എന്ന സിനിമയിലൂടെ വെള്ളിത്തിരയിലെത്തി മലയാളികളുടെ പ്രിയ നടനായി മാറിയ അജു വർഗ്ഗീസ് തന്റെ കഥാപാത്രങ്ങളെ കുറിച്ചും സിനിമാ മേഖലയിൽ ഇപ്പോൾ നടന്നു കൊണ്ടിരിക്കുന്ന പ്രശ്നങ്ങളെ കുറിച്ചും നിലപാടുകളെ കുറിച്ചും സംസാരിക്കുന്നു.

നോട്ടം കൊണ്ട് സ്പർശം കൊണ്ട് വാക്കുകൊണ്ട് മുറിവേറ്റവരാകാം പലരും. അങ്ങനെ മുറിവേറ്റ രണ്ടു പെണ്ണുങ്ങളുടെ ആഴമേറിയ സംസാരങ്ങളാണ് 'വരാൽ മുറിവുകൾ'. റിഹാൻ റാഷിദ് എഴുതിയ വരാൽ മുറിവുകൾ’ എന്ന നോവലിന്റെ വായന.

പഹൽഗാം ആക്രമണത്തോടെ സൗത്ത് ഏഷ്യയുടെ ജിയോപൊളിറ്റിക്സിൽ സംഭവിച്ചുകൊണ്ടിരിക്കുന്ന സമ്മർദ്ദങ്ങൾ കൂടുതൽ പ്രത്യക്ഷമായിരിക്കുകയാണ്. കശ്മീരിൽ ഭീകരവാദത്തെ തീവ്രമായി വീണ്ടും പ്ലാന്റ് ചെയ്യുക വഴി ലോക രാഷ്ട്രങ്ങളുടെ ശ്രദ്ധ തങ്ങളിലേക്ക് തിരിച്ചു കൊണ്ടുവരാനുള്ള സ്ട്രാറ്റജിയാണ് പാക്കിസ്ഥാൻ നടപ്പിലാക്കുന്നത്. ഡിപ്ലോമസിയിലും ഡിഫൻസിലും മാനുഷിക വശങ്ങളിലും ഇന്ത്യയ്ക്കുമേൽ എന്തെന്തു സമ്മർദ്ദങ്ങളാണ് കശ്മീരിലെ ഭീകരാക്രമണംകൊണ്ട് വന്നിരിക്കുന്നത്? അന്താരാഷ്ട്ര വിദഗ്ധനും ദ ഹിന്ദുവിന്റെ ഡൽഹി റസിഡന്റ് എഡിറ്ററും OPEN EMBRACE: India- US Ties in a Divided World എന്ന പുസ്തകത്തിന്റെ രചയിതാവുമായ വർഗ്ഗീസ് കെ ജോർജുമായി കമൽറാം സജീവ് സംസാരിക്കുന്നു.

ജനിച്ചു വളർന്ന കണ്ണൂരിലെ വീട്ടിൽ നിലനിന്ന തീവ്ര സസ്യാഹാര ക്രമത്തിൽ "തമോഗുണക്കാരായ' സവാളയും വെളുത്തുള്ളിയും നിഷിദ്ധമായിരുന്നു. ഉരുളക്കിഴങ്ങിന് വിലക്ക് ഉണ്ടായിരുന്നില്ല. എങ്കിലും കിഴങ്ങുകളുടെ കൂട്ടത്തിൽ സ്വീകാര്യത കൂടുതൽ ചേനയ്ക്കും ചേമ്പിനും ആയിരുന്നു. ഉരുളക്കിഴങ്ങ്, കപ്പ തുടങ്ങിയവ സെക്കന്റ് ക്ലാസ് സിറ്റിസൺസ്. ഊണിനു ഉപദംശകമായി കൂട്ടുന്ന "പൊടി മാസ്' എന്ന വിഭവത്തിൽ നല്ല പശുവിൻ നെയ്യുമായി ചേർന്ന് പ്രത്യക്ഷപ്പെടുമ്പോൾ പക്ഷെ ഉരുളക്കിഴങ്ങിന് ആഢ്യ സ്ഥാനം ലഭിക്കും.

കോർപറേറ്റ് മുതലാളിത്തം എങ്ങനെയാണ് Artificial Intelligence- നെ മനുഷ്യാധ്വാനത്തിന്റെ ക്രിയാശേഷിയുമായി ബന്ധിപ്പിക്കാൻ പോകുന്നത് എന്ന് വിശകലനം ചെയ്യുന്നു, ദാമോദർ പ്രസാദ്. ക്രിയാശേഷി വർധിപ്പിക്കാൻ മനുഷ്യാധ്വാനത്തിനു പകരം യന്ത്രവും അൽഗോരിതമിക് ഉപാധികളുമാകും മൂലധന വ്യവസ്ഥയ്ക്ക് കൂടുതൽ അഭികാമ്യം എന്ന വാദവുമുയർത്തുന്നു.

പല സംസ്ഥാനങ്ങളിൽനിന്നും ഇന്ത്യയ്ക്ക് പുറത്തുനിന്നും കുട്ടികൾ പഠിക്കുന്ന ഒരു യൂണിവേഴ്‌സിറ്റിയിലാണ് ഞാൻ പഠിക്കുന്നത്. അവിടെയുള്ള വസ്ത്രവൈവിധ്യം ഞാൻ ശ്രദ്ധിച്ചിട്ടുണ്ട്. ഇന്ന് കാണുന്ന വസ്ത്രങ്ങൾ, സ്ത്രീകളുടെയും പെൺകുട്ടികളുടെയും ശരീരഭാഷയിൽ വരുത്തിയ നല്ല മാറ്റങ്ങളും അവിടെ എനിക്ക് കാണാൻ കഴിഞ്ഞു.

സിനിമയുടെ പാട്ടു റീലുകള്‍ ആണിന്ന് സോഷ്യല്‍ മീഡിയയില്‍ തരംഗം സൃഷ്ടിക്കുന്നത്. സ്‌ക്രീന്‍ ഡാന്‍സിന്റെ വാണിജ്യമൂല്യം കൂട്ടുന്ന പരസ്യമായി 30 സെക്കന്‍ഡുകള്‍ കൊണ്ട് കഥ പറയുന്ന റീലുകളെ കണക്കാക്കാം. റീലുകള്‍ ഫീഡ് പോസ്റ്റുകളേക്കാള്‍ സോഷ്യല്‍മീഡിയ അല്‍ഗോരിതം റാങ്ക് ചെയ്യുന്നു. ഇങ്ങനെ എല്ലാ അര്‍ത്ഥത്തിലും സിനിമയിലെ നൃത്തത്തെ ഉപഭോഗപ്രധാനമായ ജനപ്രിയമാധ്യമം എന്ന നിലയില്‍ മനസിലാക്കുകയും അതിനെ വിപണന നേട്ടമുള്ള ഒരു പ്രത്യയശാസ്ത്ര വ്യവഹാരമായി കണക്കാക്കുകയും വേണം.

ഈയിടെ അന്തരിച്ച നൊബേൽ ജേതാവ് മാരിയോ വർഗാസ് യോസ മാസ്റ്റർ പീസായ ‘ഫീസ്റ്റ് ഓഫ് ദ ഗോട്ട്’ എഴുതുന്നത് 64-ാമത്തെ വയസിലാണ്. പ്രശസ്ത അഭിഭാഷകനായ റാംജത് മലാനി 95 -ാമത്തെ വയസ്സിൽ മരിക്കുന്നതുവരെ കോടതിയിൽ അതീവ ഗൗരവമുള്ള കേസുകൾ കൈകാര്യം ചെയ്തു. വ്യത്യസ്തമെങ്കിലും, സങ്കടകരമാണ് ലോകം മുഴുവൻ മില്യൺ കണക്കിന് ഫാൻ ഫോളോയിംഗ് ഉള്ള കളിക്കാരുടെ കാര്യം. പൊതു യൗവ്വനത്തിൽ തന്നെ, പെട്ടെന്നൊരു ദിവസം, ഇന്നലെ വരെ ആർത്തു വിളിച്ച കാണികൾ, പുകഴ്ത്തു പാട്ടെഴുതിയ മീഡിയ എല്ലാവരും സ്പോർട്സ് താരത്തിൻ്റെ റിട്ടയർമെൻ്റിനും മുറവിളി കൂട്ടുന്നു. നല്ല ഫോമിലായിരുന്നിട്ടും റിട്ടയർ ചെയ്യാൻ നിർബന്ധിതരായ മൈക്കൽ ഹോൾഡിംഗിനെയും രാഹുൽ ദ്രാവിഡിനെയും പോലുള്ള കളിക്കാർ. റിട്ടയർ ചെയ്ത ശേഷം ദീർഘകാലം മൂഡോഫിലായ സച്ചിൻ. ഇപ്പോഴിതാ ഐ. പി. എല്ലിൽ എം.എസ്. ധോണി. കളിക്കാരുടെ റിട്ടയർമെൻ്റ് തീരുമാനങ്ങളെക്കുറിച്ചാണ് പ്രശസ്ത അന്താരാഷ്ട്ര ക്രിക്കറ്റ് ലേഖകനായ ദിലീപ് പ്രേമചന്ദ്രൻ കമൽറാം സജീവുമായി സംസാരിക്കുന്നത്.

വായാനാ ലോകത്തിന് ആരായിരുന്നു കമല? ഇന്ത്യൻ സാഹിത്യത്തിൽ തന്നെ വ്യതിരിക്തമായ ശബ്ദങ്ങളിൽ ഒരാൾ. ഒരു തലമുറയുടെ മാത്രമല്ല പല തലമുറകളുടെ വായനാസംസ്കാരത്തെയും ആസ്വാദനരീതികളെയും നിർണ്ണയിച്ച എഴുത്തുകാരി. ഒരിക്കലും മാധവിക്കുട്ടി കലാപകാരിയായോ പ്രക്ഷോഭക്കാരിയായോ ആയി പൊതു സമൂഹത്തിന് മുൻപിൽ പ്രത്യക്ഷപ്പെട്ടില്ല. പക്ഷെ അവരുടെ തുറന്നെഴുതുകൾ ഇവിടുത്തെ സ്ത്രീ ജീവിതത്തിന്റെകൂടി തന്നെ തുറന്നെഴുതുകളായി. അത് വായനക്കാരെ ആവേശം കൊള്ളിച്ചു, ചിലരെ പ്രകോപിപ്പിച്ചു, മറ്റു ചിലരെ മാധവിക്കുട്ടിയുടെ എഴുത്തുകളുടെ വായനയിൽ നിന്ന് തന്നെ വിലക്കി, ചിലർ അയ്യേ എന്ന് കളിയാക്കി മാറ്റി നിർത്തി. പിന്നീട്‌ അയ്യേ എന്ന് പറഞ്ഞവർ തന്നെ കമലയുടെ പുസ്തകങ്ങൾ വായിക്കാൻ തുടങ്ങി. അവരെ ഇഷ്ടപ്പെടാൻ തുടങ്ങി. തന്റെ എഴുത്തുകളിൽ തറവാടും ഉറ്റവരായ പലരെയും എന്തിന് നമ്മുടെ യാഥാസ്ഥിതിക കുടുംബവ്യവസ്ഥയെ പോലും പ്രതിക്കൂട്ടിലാകുന്നുണ്ട്. തന്റെ ഇഷ്ടങ്ങളും, അനിഷ്ടകളും, ലൈംഗികതയും, തന്റെ വിവാഹ ജീവിതത്തിൽ ഭർത്താവിന്റെ കാമാതുരത കൊണ്ടുള്ള വേദനകളും, യാഥാസ്ഥിതികത്വത്തെ പ്രകോപിപ്പിക്കുന്ന തരത്തിലുള്ള വാസുതാ വിവരണങ്ങളും, മത പരിവർത്തനത്തെപ്പറ്റിയും ഒരു മടിയും കൂടാതെ തുറന്നെഴുതുന്നുണ്ട്. അങ്ങനെ സമൂഹത്തിന്റെ എല്ലാവിധ യാഥാസ്ഥിതിക ബന്ധനങ്ങളുടെയും ചരട് മുറിച്ച് എഴുത്തിന്റെ മറ്റൊരു ലോകം തന്നെ സൃഷ്ടിച്ചു മാധവിക്കുട്ടി എന്ന കമലാ സുരയ്യ.

മാമുക്കോയ എന്ന നടന്റെ വിയോഗം മലയാള സിനിമയില്‍ സൃഷ്ടിക്കുന്ന ശൂന്യതയേക്കാള്‍വലുത് തികഞ്ഞ രാഷ്ട്രീയ വ്യക്തതയും സാമൂഹിക ബോധവുമുള്ള കലാ പ്രതിഭകളുടെ കുറ്റി അറ്റുപോകുന്നു എന്നതാണ്. മുസ്ലിം സമുദായത്തിലെ ക്രിറ്റിക്കല്‍ ഇന്‍സൈഡേഴ്‌സ് ആയ തലമുറയിലെ അവസാന കണ്ണികളില്‍ ഒരാള്‍ കൂടിയാണ് മാമുക്കോയയുടെ വിയോഗത്തോടെ ഇല്ലാതായിരിക്കുന്നത്.

ഐ പി എല്ലിൽ അരങ്ങേറ്റം കുറിച്ച പതിനാലുകാരൻ വൈഭവ് സൂര്യവംശി ഉഗ്രൻ തുടക്കമാണ് കുറിച്ചതെന്നതിൽ സംശയമില്ല. എന്നാൽ കളിയുടെ ചരിത്രം ഇത്തരം ചൈൽഡ് പ്രോഡിജീസിന് അനുകൂലമല്ല. അമിതമായ പ്രതീക്ഷകൾ കളിക്കാരനിൽ കെട്ടിയേൽപ്പിക്കുന്ന പ്രഷറോ പ്രതിഭയിൽ ക്രമേണ സംഭവിക്കുന്ന ക്ഷീണമോ ആവണമെന്നില്ല കാരണം. 22-ാം വയസ്സിൽ ആസ്ട്രേലിയൻ ക്യാപ്റ്റനായ ഇയാൻ ക്രെയിഗ് മുതൽ 18-ാം വയസ്സിൽ ടെസ്റ്റ് അരങ്ങേറ്റത്തിൽ സെഞ്ച്വറി നേടിയ ഇന്ത്യൻ താരം പ്രിഥ്വി ഷാ വരെ പെട്ടെന്ന് പൊലിഞ്ഞ താരകങ്ങൾക്ക് ഉദാഹരണങ്ങൾ നിരവധിയാണ്. സച്ചിൻ ടെണ്ടുൽക്കർ മുതൽ ഡീഗോ മറഡോണ വരെ ചെറുപ്പം മുതൽ സ്ഥിരതയാർന്ന പരിശീലനത്തിലൂടെ വർഷങ്ങളോളം കളിയിൽ നിറഞ്ഞു നിന്ന കളിക്കാരുമുണ്ട്. ദീർഘകാലമായി അന്താരാഷ്ട്ര സ്പോർട്സ് മത്സരങ്ങൾ റിപ്പോർട്ടു ചെയ്യുന്ന ദിലീപ് പ്രേമചന്ദ്രൻ കമൽറാം സജീവുമായി ചരിത്രത്തിലെ അനുഭവങ്ങൾ പങ്കു വെക്കുന്നു.

കേരളത്തില്‍ സ്തനാര്‍ബുദം പിടിപെടുന്ന സ്ത്രീകളുടെ എണ്ണം കൂടുന്നുണ്ട് എന്നാണ് കണക്കുകള്‍ സൂചിപ്പിക്കുന്നത്. അതെ സമയം ഈ രംഗത്തെ ചികിത്സരീതികളുടെ പുരോഗതി ആശാവഹവുമാണ്. നേരത്തെ കണ്ടുപിടിച്ചാല്‍ എളുപ്പം ചികില്‍സിച്ചു സുഖപെടുത്താവുന്ന ഒരു രോഗമാണ് സ്തനാര്‍ബുദം. ഡോ. കെ.വി. ഗംഗാധരന്‍ സംസാരിക്കുന്നു

ഉപഭോക്താവ് എന്ന നിലയിൽ നിന്ന് പൗരരായും അഭിപ്രായ സ്വാതന്ത്ര്യമുള്ള വ്യക്തികളായും വായനക്കാരെ സ്വതന്ത്രരാക്കുക എന്ന ശ്രമമാണ് പുസ്തകത്തിന്റെ സ്വതന്ത്രജീവിതം ആരെങ്കിലും കാംക്ഷിക്കുന്നുണ്ടെങ്കിൽ, അവർ ആരംഭിക്കേണ്ടത്

ഒരു നൂറ്റാണ്ടായി ലെനിനെ ആദരിച്ചവരെല്ലാം യഥാർഥത്തിൽ അദ്ദേഹത്തെ അവഗണിക്കുകയായിരുന്നുവെന്ന് താരിഖ് അലി എഴുതിയിട്ടുണ്ട്. പാർട്ടിയും ഭരണകൂടവും നേരിടുന്ന അപചയത്തെ ദീർഘദർശനം ചെയ്ത ലെനിന്റെ ഐഡിയോളജിയെയും ഓർമകളെയും പിന്നീടുള്ള കാലവും ലോകവും എങ്ങനെയാണ് കൈകാര്യം ​ചെയ്തത് എന്ന് വിശദമാക്കുകയാണ്, എ.എം. ഷിനാസ്

ഗന്ധങ്ങളെക്കുറിച്ച്​ പഠിക്കാൻ ഒരു ‘ഗന്ധോളജി’, മനുഷ്യഗന്ധത്തിന്റെ സാധ്യതകളിലേക്കുള്ള ചില രഹസ്യ കമാനങ്ങൾ തുറക്കുന്നു.

ചെറുപ്പത്തിൽ ഉപ്പയോടൊപ്പം ഞാൻ കോഴിക്കോട് പോയി സിനിമ കാണാറുണ്ടായിരുന്നു. ചില ദിവസങ്ങളിൽ ഒന്നിലധികം സിനിമകളും കണ്ടിരുന്നു. 'കുമ്മാട്ടി' എന്ന സിനിമയാണ് ഉപ്പയോടൊപ്പം കണ്ടതിൽ എന്റെ ഓർമയിലെ പഴയ സിനിമ. ഇന്ന് ഓർക്കുമ്പോൾ അതൊരു പ്രിവ്യൂ ഷോ ആയിരിക്കാൻ സാധ്യതയുണ്ടെന്ന് തോന്നുന്നു. കാരണം, സിനിമ കഴിഞ്ഞ് ഞങ്ങൾ പുറത്തിറങ്ങിയപ്പോൾ അതിൻ്റെ സംവിധായകൻ അടക്കമുള്ളവർ അവിടെ ഉണ്ടായിരുന്നു. സിനിമ കണ്ട് ഞാൻ കരഞ്ഞത് അന്നവിടെ വലിയ വാർത്തയായി. സിനിമ എടുത്തയാളാണ് എന്നു പറഞ്ഞ് ഉപ്പ എനിക്കൊരാളെ കാണിച്ചുതന്നു. സിനിമ കണ്ട് കരഞ്ഞ കുട്ടി എന്നുപറഞ്ഞാണ് എന്നെ ഉപ്പയുടെ സുഹൃത്തുക്കൾ അദ്ദേഹത്തിന് പരിചയപ്പെടുത്തിയത്. അത് അരവിന്ദനായിരുന്നോ കുമ്മാട്ടിയുമായി ബന്ധപ്പെട്ട മറ്റാരെങ്കിലുമായിരുന്നുവോ എന്നിപ്പോഴും എനിക്കറിയില്ല.