ഇരുട്ടിലെ മിന്നുന്ന വെളിച്ചത്തിൽ എന്റെ ശരീരചലനങ്ങൾ കണ്ട് കൂടെ നൃത്തം ചെയ്തോട്ടെ എന്നുചോദിച്ച ആ മനുഷ്യരേക്കാൾ സുന്ദരന്മാരായി മറ്റാരും എന്റെ ജീവിതത്തിൽ കടന്നുവന്നിട്ടില്ല. അവരുടെ ക്ഷണം സ്വീകരിക്കാൻ വിസമ്മതിക്കേണ്ടിവരുന്നത് അവർക്കും പിന്നീട് എനിക്കും ദുഃഖമുണ്ടാക്കിയിട്ടുണ്ട്. എവിടെയോ മറ്റെന്തോ കാര്യങ്ങളിൽ ഏർപ്പെട്ടുകൊണ്ടിരുന്ന ഇണയോടുള്ള വിശ്വാസ്യത നിലനിർത്താൻ മാത്രം ഞാൻ നഷ്ടപ്പെടുത്തിയ ആ അവസരങ്ങളെയും നൃത്തങ്ങളെയും ഓർത്ത് എനിക്ക് കുറ്റബോധമുണ്ട്.
