In hierdie week se KLETS-episode gesels ons met die dieëtkundige, Ané Fourie oor gesonde eetgewoontes en of wyn jou regtig vet maak. Ané gee praktiese raad oor hoe om porsiegroottes te balanseer en gesonde gewoontes te handhaaf, selfs oor die feestyd! Ané gee ook haar insigte oor gewilde dieetgiere soos plantgebaseerde diëte en "intermittent fasting". Is hierdie giere maklike maniere om gewig te verloor, of net foefies wat jou uithonger? Met praktiese advies verduidelik sy hoe jy jou bord en jou glas kan geniet sonder om jou desember lyf en gesondheid prys te gee. In Pretoria ruk die Afrikaner-volk op, getooi in helder oranje, om hul stemme te laat hoor oor die BELA Wet. Dit lyk amper soos ‘n nederlandse sokker dag, behalwe dat Gayton McKenzie se "skop" vir Afrikaans die kollig gesteel het. Intussen oor die waters in Amerika kies die kiesers óf blou óf rooi, en Peanut en Squirrel se pa het skynbaar ‘n groot “Longo.” Kontak Ané Fourie by anefouriediet@gmail.com of op +27 (0)84 799 5605. KLETS op Youtube - https://youtu.be/g1AlCOQ0xD0 Afrikaans.Radio · KLETS · KLETS - YouTube

Die EFF in Tshwane beweer nou dat dit “rasisties is om gras te sny” - is dit ’n desperate poging om relevant te bly, of soek hulle net aandag? Dankie, Herman Mashaba – jou “legacy” in die hoofstad sal ons nie sommer vergeet nie! Gayton McKenzie het ook iets om te sê: hy noem die MK-party se 2024-prestasie ’n “skok van formaat” en waarsku dat slegs die RNE Suid-Afrika kan red van ’n MK-tsunami in 2026. Maar kan Cyril die “G(a)NU” veilig deur die stormagtige waters stuur, of lê "DA" nog golwe voor? Dan kyk ons na Suid-Afrika se aksie by die Internasionale Hof, waar ons met ’n lêer van amper 5000 bladsye klagtes oor Israel opgedaag het. Is hierdie diplomatieke fokus werklik ons tyd en geld werd? Of verloor ons dalk die plot en k@k op ons eie voorstoep en 3.9 biljoen rand se uitvoere na Israel per jaar? Dis ’n vraag van lojaliteit versus onnoselheid. En natuurlik kan ons nie die VSA se FOMO-drama ignoreer nie. Kamala Harris wil nou ook op die Joe Rogan podcast verskyn, kort nadat Trump daar was. Met minder as ’n week voor die Amerikaanse presidentsverkiesing is dinge nek-aan-nek. Het Trump nog ’n paar politieke “lewens” oor, of gaan Kamala die Withuis oorneem? Afrikaans.Radio · KLETS · KLETS - YouTube

In hierdie spesiale Onderwyser Waarderingmaand-episode van KLETS, gesels Colene en Matthys met Matthys se voormalige Afrikaanse Juffrou, Carina Wassermann, wat tans hoof is van Hoërskool Wolmaransstad. Ons KLETS oor hoe die klaskamer deesdae lyk en kyk na die onlangste statistieke oor onderwysers se geestesgesondheid. Juffrou Wassermann deel hoe die klaskamer verander het, en hoe die geestesgesondheid van onderwysers drasties agteruitgegaan het en ’n eerlike bespreking oor die impak wat die BELA Wet op Afrikaanse skole kan hê. En as jy dink dit gaan net ernstig wees...Juffrou Wassermann deel ’n paar stories oor hoe Matthys as tiener op skool was. Maar dis nie al nie. Ons KLETS oor die skerp styging in water- en elektrisiteitskoste oor die afgelope 28 jaar en hoe dit bydra tot die feit dat 21% van mense se bankbalanse onder R1000 is voor salarisse inbetaal word. Koning Charles is uitgeskel deur Lidia Thorpe, ’n Australiese politikus oor sy rol in die koloniale geskiedenis van Australië. Thorpe, bekend vir haar reguit uitsprake oor die ongeregtighede teenoor inheemse mense, het Charles “die koning van moord” genoem tydens ’n openbare verskyning. En dan, ’n bietjie nader aan die huis, praat ons oor die City of Johannesburg wat inwoners vra om vir ’n beloning van R300 000 idees te gee oor hoe om die stad te verbeter — terwyl die stadsraad jare lank onbevoeg blyk te wees. Die vraag bly: Kan dié skouspelagtige verval omgekeer word deur idees van die publiek, of moet ons dalk eerder kyk na wie die stad bestuur? Afrikaans.Radio · KLETS · KLETS - YouTube

In hierdie KLETS gesels ons met Dr. Kathryn Malherbe van MediSol AI Solutions vir Borskankerbewustheidsmaand. Sy deel insigte oor algemene wanopvattings rondom borskanker, en hoe MediSol se AI-tegnologie ’n revolusie in die vroeë opsporing en diagnostiek van borskanker veroorsaak. Dr. Kathryn verduidelik hoe hul AI gebruik word om skanderings met meer akkuraatheid te ontleed. Besoek hul webwerf vir meer inligting: www.medsol.ai. Ons vier ook die lewe van Tito Mboweni, saam met sy vriendin, Melinda Gous, wat persoonlike stories oor sy lewe deel voor sy tragiese afsterwe op 12 Oktober 2024. Dit gee ’n intieme blik op die man wat almal geken het. Verder kyk ons na Elon Musk se nuutste vuurpyl-lansering en sy volgehoue vermoë om die wêreld te verstom. Ons bespreek ook Gauteng se krane wat amper droog is—Day Zero kom nader, maar is dit regtig ons skuld? En as die JMPD jou dadelik dwing om ’n boete te betaal, wat doen jy? Medisol AI Solutions · Afrikaans.Radio · KLETS · KLETS - YouTube

In hierdie KLETS-episode het Matthys ’n gesprek met Jaco Kleynhans, Hoof van Internasionale Skakeling by Solidariteit, oor die voortgesette konflik tussen Israel en Palestina, wat nou al vir ’n jaar woed. Jaco verduidelik hoe die geopolitieke klimaat in die streek drasties verander het sedert die aanvang van die oorlog, en wie tans die oorhand blyk te hê. Daarbenewens bespreek Jaco ook die effek wat hierdie oorlog op Suid-Afrika het, veral in terme van ons land se diplomatieke posisie en verhoudings in die internasionale arena. Hoe reageer Suid-Afrika se regering op hierdie konflik, en wat is die langtermyn-implikasies vir ons? Verder in die episode word ons ingelig oor die beroemde Jakarandas in Pretoria, en ons hoor van Jacob Zuma se dogter se kontroversiële kommentaar waarin sy Apartheid blameer vir haar onvermoë om Zulu te praat. Afrikaans.Radio · KLETS · KLETS - YouTube

In hierdie week se KLETS episode "be-klets" Colene en Matthys die jongste drama rondom ActionSA, Herman Mashaba en Tshwane. Is Mashaba besig om sy politieke relevansie te verloor, of is hy dalk net ’n pion in die ANC se strategie? Is die gedoente in Tshwane die eerste kraak in die RNE? Ons gesels oor die Jan Braai kontroversie. Volgens Netwerk24 is hy 'n rassis. Is die storie net mediastunts of swak joernalistiek? Is Netwerk24 besig om klieks te soek met sensasie waar die waarheid nie in die pad staan vir 'n goeie voorblad nie? Ons vier die Springbokke en hul onlangse oorwinnings en verduidelik die verskil tussen ’n miljoen en ’n miljard – jy sal verbaas wees ver die twee eintlik van mekaar af is! Sluit aan vir ’n episode propvol politiek, kultuurkontroversies en sporttriomf wat jou nuuskierig sal hou oor wat in Suid-Afrika aangaan. Afrikaans.Radio · KLETS · KLETS - YouTube

In hierdie KLETS episode het Colene en Matthys ’n lekker gesprek met niemand anders nie as Dr. Roy Page, veearts by Menlyn Vet Practice in Pretoria. Hulle klets oor alles van dieremaniere tot troeteldiergesondheid. Dr. Page deel sy kennis oor voeding, algemene sorg, en hoe om jou troeteldier gelukkig en gesond te hou. Of jy nou ’n kat of hond het, Dr. Page se insigte is vir jou! Maar dit is nie al nie! Colene deel ook ’n verrassende lys van die top 10 treine in die wêreld, en raai wat? Suid-Afrika het twee op daardie lys! Rovos Rail en The Blue Train staan hoog op die wêreld se radar. As jy hou van treinreise, is hierdie ’n gesprek wat jou lus sal maak om te pak en te reis. Ons KLETS oor hoe die Boere mekaar moer en gekke storie van hoe ‘ veearts, met niks meer as sy kaal hande, ’n buffel tem. Ons KLETS ook oor ’n ernstige onderwerp wat die land aan die gons het: die onlangse dood van Pravin Gordhan. Dit het groot reaksie op sosiale media ontlok en veroorsaak dat mense hul menings oor sy rol in Suid-Afrika se politiek begin deel het. Sommige mense sien hom as iemand wat probeer het om die land se ekonomie te red, terwyl ander meen hy was betrokke by meer kontroversie. Maar, you’re only as good as your last performance! Kontak Dr. Roy Page van Menlyn Vet Practice: •E-pos: mac@companionhealthcare.co.za •Telefoon: +27 (0)12 460 5252 • Webwerf: https://menlyn.vet/ Menlyn Vet Practice · Afrikaans.Radio · KLETS · KLETS - YouTube

In hierdie episode KLETS Colene en Matthys saam met Marius Strauss, ’n gesoute makelaar en geregistreerde finansiële dienste verskaffer. Ons begin die gesprek met ’n terugblik op 11 September — waar was jy op die dag toe die wêreld tot stilstand gekom het ná die aanval op die World Trade Center? Dié dag het ’n impak op ons almal gelaat, en ons deel ons herinneringe daaraan. Ons skuif dan na ’n meer praktiese onderwerp: die tweepot-pensioenfondsstelsel in Suid-Afrika. Marius bespreek hoe hierdie nuwe stelsel dalk korttermynverligting vir Suid-Afrikaners se knap beursies kan bied. Maar watter langtermyn-implikasies kan dit vir jou aftreegeld kan hê? Hy gee ook waardevolle raad oor hoe om jou finansies effektief te bestuur, skuldlas te verminder en slim besluite te neem vir ’n veiliger finansiële toekoms. Ons praat ook oor die interessante wetsontwikkelings in Australië — ’n voorstel om kinders onder die ouderdom van 16 te verbied van sosiale media, sowel as ’n nuwe wet wat werknemers toelaat om ná ure werkoproepe en e-posse te ignoreer. Het ons regtig wette nodig om ons te beskerm teen ons eie swak besluite? Laastens bespreek ons Herman Mashaba se uitlatings en of dit die begin van die einde vir ActionSA kan beteken. Is dit suur druiwe omdat hy nie saam met die groot kinders in die sandput kan speel nie? Kontak Marius Strauss vir finansiële advies: • E-pos: mls@mweb.co.za • Selfoon: (+27) 82 440 1880 ’n KLETS vol herinneringe, insiggewende finansiële advies, en interessante debatte oor hoe ons wêreld aan die verander is. Afrikaans.Radio · KLETS · KLETS - YouTube

In hierdie lente-episode gesels Colene en Matthys met die bekende interior designer, Carin van Heerden van Carne Interiors, oor hoe jy jou huis kan verfris vir die nuwe seisoen. Carin gee praktiese wenke oor die nuutste trends vir 2025 en hoe jy jou leefruimte kan opkikker met haar gunsteling Dulux kleure. Of jy nou ’n volledige herontwerp beplan of net ’n paar opdaterings wil maak, hierdie episode is propvol kreatiewe idees en praktiese raad. Ons kyk na die Springbokke se oorwinning teen Nieu-Seeland, en hoe die Haka nie kon keer dat die Bokke hulle wenspreeu voortsit nie. Ons bespreek ook die verlowing van een van Zuma se dogters aan koning Mswati III, en hoe sy sekerlik in weelde sal leef, in teenstelling met baie van die inwoners van sy koninkryk wat op R 34.00 per dag moet oorleef. Ons sluit die episode af met die grusame storie van ’n langafstand-Olimpiese atleet wat nou in die hospitaal is ná ernstige brandwonde, en vra die vraag of die mensdom ooit in vrede sal kan saamleef, ondanks kultuurverskille. Kontak besonderhede vir Carne Interiors: • Website: www.carneinteriors.co.za • E-pos: admin@carneinteriors.co.za • Tel: 012 348 0869 Carne Interiors · Afrikaans.Radio · KLETS · KLETS - YouTube

In hierdie episode het ons heelwat om oor te KLETS! John Steenhuisen stel vir Roman Cabanac aan as sy Chief of Staff by die Departement van Landbou, en ons wonder saam hoe hy in ’n Boerboel broekie gaan lyk. 26ste Augustus was Toiletpapierdag en ons kom uiteindelik by die finale antwoord oor hoe jy die toiletpapierrol reg opsit. Colene deel ook haar baie spesifieke ritueel vir publieke badkamers — jy wil dit nie misloop nie! Ons bespreek van die onlangse nuusgebeure in Suid-Afrika, en neem ook ’n kykie na die campaign busse van Kamala Harris en Donald Trump in die VSA. Ten slotte, kondig ons die wenner aan van die Memoirse van jou moeder boek deur Anné Pretorius. Afrikaans.Radio · KLETS · KLETS - YouTube

In dié episode KLETS ons lekker met Anné Pretorius oor haar nuwe boek, Memoires van jou moeder. Sy vertel hoe die boek ontstaan het en hoekom dit belangrik is om jou storie neer te skryf – want elkeen het mos maar sy ding om oor te vertel, né? Ons vier die afgelope naweek se groot oorwinnings in Perth-fontein: Dricus “Stillknocks” du Plessis wat behoorlik gaan bontstaan het, en natuurlik die Bokke! Intussen smeek Sophia vir Dolce & Gabbana parfuum – as iemand dalk wil weet wat om vir haar te koop! En as jy dink on nie-genooi word na ‘n troue toe nie is erg, wag tot jy hoor van die paartjie in die UK wat sê: “Jammer, jy’s nie genooi nie!” Memoires van jou moeder · Afrikaans.Radio · KLETS · KLETS - YouTube

In hierdie KLETS-episode gesels Colene en Matthys met Adine Roode, die brains agter HERD (Hoedspruit Elephant Rehabilitation and Development). Ja, dis reg, ons praat olifante — en nie sommer enige olifante nie, maar Jabulani, die beroemde Amarula-bottel ster! Adine deel hoe dit is om vir hierdie massiewe reuse te sorg, en wat ’n dag in die lewe van ’n olifant-versorger behels. Spoiler alert: dit behels baie meer as net groot drolle en nóg groter porsies kos! Dan draai ons na iets net so groot — werkloosheid. Dit lê die land en die ekonomie lam en die het dalk nou die RNE (Regering van Nasionale Eenheid) se knieë. National eenheid is aan die oorhand van die dag maar as die DA net kan ophou om soos ’n arrogante kind op te tree, speel hulle dalk nie so lekker in die ANC se hande soos tans nie. Maar wag, daar is goeie nuus! Ons Olimpiese helde is terug, blink met ses medaljes om hul nekke. Tyd om bietjie trots te wees en dalk ’n les of twee by hulle te leer — maar beslis nie van die Australiese breakdancer nie! Dít is een les wat ons veilig kan los. HERD · Afrikaans.Radio · KLETS · KLETS - YouTube

In hierdie episode het ons ’n fassinerende gesprek met Tristán Kapp, of beter bekend as die Friendly Satanists, wat die lig werp op wat jy dalk nog altyd vermoed het oor die onderwêreld. Tristán deel sy perspektief op geloof, spesifiek satanisme en christenskap, en ons verken ook ander ideologieë en die invloed van politiek in die geloofswêreld. Verder bespreek ons die opspraakwekkende voorval waar ’n tent profeet ’n laerskool bestorm met ’n machete – ’n gebeurtenis wat beslis kerkleiers en hul gedrag weer onder die vergrootglas bring . En, moenie dat jou penis jou drome verwoes nie – strap that thing in! Ons kyk na die Franse Olimpiese span wat meer aandag trek vir die baguettes in hul broeke as hul Olimpiese medaljes of die tekort daaraan. En is Gayton eintlik Mama Joy in drag? Afrikaans.Radio · KLETS · KLETS - YouTube

Ons KLETS oor die opening van die Olimpiese Spele in Paris 2024. Lady Gaga se piek Karoo Vere was Suid-Afrika se eerste pronk! Die geskiedenisles van die Bastille was indrukwekkend, maar die res van die seremonie het vir sommiges soos 3 ure van gogga maak vir baba bang. Tannie Celine sing haar hart uit, maar los die mince-manne ontevrede. Tatiana draai ons piek veer pronk in solide goud in! Matthys het met Marlien Cronje en Michelle van Biljon van Dynamic Women for Children gesels oor hul opwindende projek, Climb 2 Care. Hierdie twee dinamiese vroue gaan saam met Remy Koos Mount Kilimanjaro aandurf in Oktober 2024 om bewustheid te skep en fondse in te samel vir die Dynamic Women for Children projek in Pretoria. Hulle deel hul inspirerende stories en voorbereidings vir hierdie groot avontuur. Verder gesels ons oor die groei van die Suid-Afrikaanse bevolking – weet ons werklik hoeveel mense hier bly? En wat is aan die gang met die EFF se onlangse uitlatings? Dit lyk of hulle reg is vir ’n goeie "Boere Moer". Dynamic Women for Children · Climb 2 Care · Afrikaans.Radio · KLETS · KLETS - YouTube

Dis tyd vir nog 'n KLETS en hierdie keer met "regte nuus"! In hierdie episode het ons die joernalis, Izak du Plessis van Nuuspod, by ons. Izak KLETS saam oor die Regering van Nationale Eenheid en President Cyril Ramaphosa se toespraak tydens die opening van die parlement. Izak gee sy mening oor waar die RNE dalk kan sink soos ’n Titanic op ’n koue Donderdagaand. Is daar dalk ’n ysberg op die horison? Daarna neem ons ’n draai oor die Atlantiese Oseaan en bekyk die Amerika situasie met Biden en Harris. Is Harris die antwoord of ’n disaster waiting to happen? En dan, net om dinge bietjie sportief en groen te hou, gesels ons oor die naderende Olimpiese Spele in Parys. Hulle gaan so groen dat nie net hul bestaande infrastruktuur weer gebruik gaan word nie. Ja, jy hoor reg – dit is herwinning op ’n heel nuwe level! NUUSPOD · Afrikaans.Radio · KLETS · KLETS - YouTube

Hierdie week op KLETS neem Colene ons op ’n onvergeetlike reis met die term “raw dogging.” En nee, dit het niks met kondome te doen nie! Die Olimpiese Spele begin op 26 Julie 2024, en ons het baie te sê oor die nuwe logo wat onrusbarend baie soos ’n Karen lyk. Het iemand dalk inspirasie gekry van hul buurvrou? En Trump? Hy “oor”-leef ’n sluipmoordpoging, of is daar dalk ’n konkelspel aan die gang? Die GNU skop hul eerste parlementêre sitting af op 18 Julie. Wat het MK in hul mou, en wat kan ons verwag van hierdie eerste sessie? Kom luister saam en kry die inside scoop! Afrikaans.Radio · KLETS · KLETS - YouTube

Dis 9:00 op ’n koue winters Woensdag, en ons het wyn! ‘n Spesiale dankie aan Rihann vir die heerlike bederf van besondere wyne van die plaas Rainbow’s End. In vandag se episode gesels ons met Quentin Goldschagg van QG Realty in Gauteng oor die nuutste verwikkelinge in die huis mark. Ons dek die moets en moenies van huiskoop en -verkoop, en bespreek of jy uie moet braai of brood moet bak voor potensiële kopers kom kyk na jou huis. Juju maak ’n stylvolle verskyning by die Durban July met ’n pak en duur skoene, terwyl Gayton op ’n missie is en selfs vir Mama Joy wegjaag. Die Iere is nie te bly nie nadat die Springbokke hulle ’n les geleer het op die rugbyveld, en nou het hulle besluit ons het visas nodig om vir hulle te gaan kuier. Colene neem ons op ’n verbeeldingsreis deur onbekende dorpies waar jy hierdie Desember kan gaan vakansie hou. Bly warm en bederf jouself met 'n Rainbow’s End rooi! QG Realty · Rainbow’s End · Afrikaans.Radio · KLETS · KLETS - YouTube

In vandag se episode van KLETS vlieg Matthys solo. En nee, dit is nie omdat hy oor politiek wil praat en Colene gatvol is vir die politieke sepie nie. Prof Piet Croukamp, verbonde aan die Noordwes-Universiteit en ’n kenner op die gebied van politieke wetenskap, sluit by ons aan om sy insigte te deel oor die Regering van Nationale Eenheid (RNE). Hy bespreek hoe hierdie regering gevorm is en wat ons in die volgende vyf jaar kan verwag. Sal die RNE werklik verandering bring, of gaan ons meer van dieselfde sien? Daarbenewens kyk ons na die jongste sosiale media storm wat figure soos John, Angie en Pieter Groenewald insluit. Ons Suid-Afrikaners is mos maar vinnig met 'n grappie en 'n meme. Verder bespreek Matthys ’n onlangse studie wat toon dat Suid-Afrikaners ‘meer gelukkiger’ geword het vanaf die verkiesing tot by die aankondiging van die nuwe regering. Afrikaans.Radio · KLETS · KLETS - YouTube

Sport hou ons Suid-Afrikaners aan die gang. Die Bokke blink steeds. Pretoria is wel bietjie minder blou, of dalk meer. Kan iemand die GNU aanjaag… “Afrika-tyd” het ook sy preke. Terwyl Tannie Helen en Oom Cupcake die GNU roei, gooi Julias sy spane die hele X vol. Ian Cameron het ’n nuwe target op sy rug, asof die arme man nie genoeg koeëls op ’n daaglikse basis moet dodge nie. Op ’n ligter noot, KLETS ons heerlik met Guinness Wêreldrekordhouer, Billy Cowley, ook bekend as die Marmite man. Die all-round lekker ou deel sy entoesiasme vir die lewe. Billy se lus vir uitdagings is nog lank nie stil nie, en hy wil die res van Suid-Afrika saamneem op sy rekordbrekende avonture. Die "Massa Kriminele", ook bekend as die MK, is ingesweer op hulle eie glansgeleentheid saam met hulle eie second-rate celeb-maats. Die wêreldbekende reeks Bridgerton se onlangse reeks sluit af met ’n cameo verskyning deur ’n beeldskone Suid-Afrikaanse aktrise. En die skinder loop dat die volgende reeks haar en ’n paar warm guavas insluit. Afrikaans.Radio · KLETS · KLETS - YouTube

Die politieke sepie van die verkiesings kom tot ’n einde met ’n NGU en ’n “ou” cupcake wat opslae maak. Of is die nog net die begin van die volgende 5 jaar se Sirius? Na ’n lang wag, het Suid-Afrika uiteindelik sy eie “Puss in Boots,” trots getooi in rooi. Nou is DANC in beheer van ons toekoms, terwyl die EFF en MK begin hul tande slyp as die nuwe opposisie. Vir die petrolheads, Colene vertel oor die karre wat die wêreld en Suid-Afrika se beste verkopers is. Die hare waai wild in Pretoria en jy sal verbaas wees oor wat jou neus alles kan doen behalwe ruik! Afrikaans.Radio · KLETS · KLETS - YouTube