In hierdie week se episode besin die girlies bietjie oor hoeveel tyd jy moet neem om oor 'n gebroke verhouding te kom, voordat jy met 'n nuwe een begin. Is dit moontlik om 'n formule daaraan te koppel? Verder gesels Maru en Janke oor moeilike onderwerpe, soos dating en body image, pretty privelege en die druk wat ons girlies daagliks ervaar, om aan die samelewing se standaarde te voldoen. Kom luister gerus saam!

In hierdie week se episode gesels die girlies oor mense se voorkeure wanneer dit by kosmetiese prosedures kom. Hoe voel mense regtig oor fillers en botox? Sou meer van ons dit gekry het as dit goedkoper was? Verder bespreek Janke en Marunelle twee dilemmas van mede-girlies: Mag 'n mens ooit jou vriendin se eks date, of is "girl-code" nie regtig 'n ding nie? Hoe moet mens maak wanneer jou roommate se kêrel net heeltyd by julle huis uithang en al jou warm water opgebruik? Al hierdie en nog meer wag vir julle in hierdie week se chaotiese (hoe dan anders) episode. Geniet hom!

In hierdie week se episode gesels die girlies oor die unieke byname wat meisies vir ouens gee om "incognito" oor hulle te kan gesels (if you know... you know). Die girlies bespreek ook 'n slegte dating scenario waarin 'n luisteraar haarself bevind het toe 'n man geld by haar terugeis nadat sy die verhouding beëindig het, sodat sy hom kan "terugbetaal" vir al die dates waarop hy haar gevat het. Absoluut mal! Laastens gee die girlies ook raad aan 'n raadop ou wie treur oor 'n meisie wat "all-in" was en toe van plan verander het. Lekker saam-luister!

Hallo girlies! In hierdie week se episode gesels Marunelle en Janke oor meisies se verwagtige van romanse in verhoudings, is dit dalk té onrealisties? Kom luister ook saam na twee girlies se dilemmas: Wat gemaak as jou beste vriendin beweer jy steel haar droomtroue? Mag 'n mens nee sê as iemand jou vra om haar strooimeisie te wees?

In hierdie week se episode gesels die girlies oor groot nuus: Janke het haar eerste amptelike-regte-egte kêrel! Die girlies raak ook die ongemaklike onderwerp van "check-ups" aan en veral daardie tipe afsprake wat ons graag vermy. Janke en Marunelle gesels verder ook oor die verwagting wat geskep word dat jy "besties" moet word met jou kêrel se vriende se meisies en dat dit nie nodig is nie. Lekker saam luister!

In hierdie week se episode gesels die girlies oor 'n verskeidenheid sake, maar wat anders kan van goeie "girl chats" verwag word. Janke en Marunelle gesels oor wat mans aantreklik maak, is dit hul kennis, 'n goeie persoonlikheid, of dalk geld? Verder word raad gegee aan iemand wie nuut in 'n dorp is en sukkel om in te skakel, en aan 'n girlie wat nie van haar vriendin se boyfriend hou nie. Kom luister saam!

In hierdie episode gesels die girlies oor die moderne neigings van kombuistees en bachelorettes. Ander vrae waaroor ons in hierdie episode dink: kan mens vriende bly met jou "eks"? Hoekom nooi sommige vriendinne altyd hul kêrel saam na alles toe? Waarom moet mens jou kêrel altyd vra vir wat jy nodig het?

In hierdie week se episode gesels ons oor die vreemdste skinnerstories en "age gaps" in verhoudings. Luister ook saam na hoe Janke en Maru hierdie week se liefdes-scenario's probeer ontrafel. Wat moet jy doen as jy verlief is op jou beste vriend? Hoe gemaak met 'n ou wat jou geghost het en na maande weer dinge probeer aanknoop?

In hierdie episode gesels die girlies oor selfvertroue en brei ook uit oor praktiese voorbeelde oor hoe om jouself te "rat" vir oomblikke waar mens daardie ekstra hupstoot nodig het. Neem jou spasie op en own dit! Ons gesels ook oor die sosiale stigma rondom vrouens se sukses in hul beroepe en spekuleer oor die rol van die man in die moderne samelewing.

Wat om te doen (en nie te doen), wat om te sê (en nie te sê) as dit kom by jou aanlyn dating profiel. Ons gesels ook oor online ontmoetings wat in-persoon ontmoetings word en ander dating wenke. Luister en gesels lekker saam.

As online dating 'n olimpiese sportsoort was, het ons beslis nou in Parys vir Suid-Afrika uitgedraf. In hierdie ekstra-lang, ekstra-lekker episode praat die girlies oor dating apps en hulle persoonlike ervarings in die onbekende dating-wildernis. Kom luister saam na nog 'n paar goue staaltjies uit Marunelle en Janke se chaotiese wêreld!

In hierdie episode gesels ons oor of meisies tog subtiel die eerste "move" kan maak. Ons deel ook ons raad oor vriendinne wat jou perongeluk vergeet as hulle in 'n verhouding is. En wat doen mens as jou kêrel nie wil hê jy moet mans vriende hê nie?

In hierdie week se episode gesels die girlies (Marunelle en Janke) oor hul persoonlike voorkeure wanneer dit by mans se grooming gewoontes kom. Kort mans regtig 'n snor om te score? Net soos 'n tipiese koffie-date met jou bestie verloop, is hierdie episode 'n mengelmoes van onderwerpe. Luister gerus saam!

Almal wat op die dating scene is ken die term "ghosting" baie goed. In hierdie week se episode praat die girlies (Janke en Marunelle) oor hul eie ervarings met "ghosters" en ander gediertes.

Glo jy in love at first sight? Ons deel ons opinie en gesels ook oor wat om te doen as jou vriendin iets doen waarmee jy nie saamstem nie. Die good, bad and ugly van single wees in jou 30's.

Die lewe is maar gaos. Jare lange vriendinne Janke en Marunelle gesels oor die op en af van liefde, vriendskap en lewe. Luister weekliks na ons stories, ander girlies se stories en kom lag lekker saam.